,

3:08:00 PM


போகர் சப்தகாண்டம் 4026 - 4030 of 7000 பாடல்கள்

bogar-saptha-kaandam

4026. நெருங்கவே வெகுகோடி மாண்பரப்பா நேராக எந்தன்முன் வந்துநின்று
குருங்கையென்ற காமதனைத்தானெடுத்து கொப்பெனவே முடிமீதில் சுமந்துகொண்டு
தருக்கவே யாசீர்மம் மிகவுஞ்செய்து சட்டமுடன் எந்தனையுங் கேள்விகேட்டு
வருந்தியே இக்காலம் எங்கேசென்றீர் வண்மையுடன் வந்ததுவும் புதுமையாச்சே  

விளக்கவுரை :


4027. ஆச்சென்ற புதுமையது மிகவுறைத்து வப்பனே யென்தேவா யிக்காலந்தான்
போச்சென்று தேகமது மனதிலெண்ணி பொங்கமுடன் வந்ததுவும் புதுமையாச்சு
பாச்சலுடன் காயாதிகற்பங்கொண்ட பாங்கான தேகமது என்றுசொல்லி
வீச்சலுடன் காலாங்கிகிருபையாலே விதித்துதே காணவல்லோ என்றிட்டாரே

விளக்கவுரை :

[ads-post]

4028. இட்டாரே வெகுமாண்பர் கும்பல்கூடி எழிலாக எந்தனிடம் வந்தாரப்பா  
சட்டமுடன் யான்கண்ட வதிசயங்கள் சார்புடனே யானுரைத்தேன் யோகமெல்லாம்
கிட்டமுடன் மாண்பரெல்லாம் அதிசயித்து தீரமுடன் வீற்றிருந்தார் சீனந்தன்னில்
பட்டமுள்ள அரசரது சமாதிவிட்டு பாங்குடனே குளிகைகொண்டு புறப்பட்டேனே

விளக்கவுரை :


4029. புறப்பட்டேன் சீனபதி கடலோரந்தான் புகழான வதிசயங்களெல்லாம்பார்த்து
திறக்கவே வடக்குமுகந் திருப்பால்தன்னில் தீரமுடன் குளிகைகொண்டு சென்றேன்யானும்
நிறமாறி தானிருக்கும் மாண்பரல்லோ நீடான வசுவத்தின் முகத்தைப்போல 
உறமான மாண்பர்களைக் கண்டேனப்பா வுத்தமனே ஜெகத்துக்குள் இருப்பார்தானே

விளக்கவுரை :


4030. இருப்பாரே மலைமீதும் பாறைமீதும் எழிலான வட்டமதில் இறங்கினேன்யான்
விருப்பமுடன் குளிகையது பூண்டுகொண்டு வீரமுடன் அவர்களிடம் சென்றபோது
பொறுப்பான மலையொன்று குகைதானுண்டு பொங்கமுடன் ஐராவதம் என்னலாகும்
குருப்பான ஏழுவரை வுயரங்காணும் குணமான மலையொன்று கண்டேன்தானே

விளக்கவுரை :


,

3:07:00 PM


போகர் சப்தகாண்டம் 4021 - 4025 of 7000 பாடல்கள்

bogar-saptha-kaandam

4021. தாமேதான் கமலனுனி சமாதிபக்கல் தன்மையுடன் யான்சென்று சேர்வைசெய்தேன்
வேடம்தான் சீனபதி கோட்டைக்குள்ளே வேகமுடன் குளிகைகொண்டு இரங்கினேன்யான்
போமேதான் சீனபதிபெண்களெல்லாம் போகமுடன் எந்தனுயும் அணையவல்லோ
நாமேதான் நினைத்தபடி பெண்களெல்லாம் நாட்டமுடன் மோகித்து வனைந்தார்பாரே

விளக்கவுரை :


4022. பாரேதான் நினைத்ததொரு கல்விதன்னால் பாங்கான சப்தரிஷிபோலேயப்பா
நேரேதான் நினைத்தவண்ணம் ரிஷிகள்போல் நேர்மையுடன் தான்பிரிந்தார் ரிஷிகளப்பா
சீரேதான் அவர்கொடுத்த வரத்தினாலே சிறப்பான சப்தரிஷிபிறந்தாரங்கே
கூரேதான் தேவரிஷி யென்னலாகும் குவலயத்தில் அரசரைப்போல் பிறந்தார்தாமே

விளக்கவுரை :

[ads-post]

4023. பிறந்தாரே சீனபதிவரசுசெய்ய பேரான சப்தரிஷி யரசரப்பா
துறந்ததொரு ஞானிகள்போல் அரசரப்பா துப்புறவாய் சீனபதியாண்டதுண்டு
மறந்தாரே வெகுகாலம் இருந்துமல்லோ வையகத்தில் வாழ்க்கைதனை விட்டுநீங்கி
கறந்ததொரு பால்போலே ஞானம்பூண்டு காசினியில் வெகுகால மிருப்பார்பாரே

விளக்கவுரை :


4024. இருந்தாரே கோடிவரை யுகாந்தகாலம் எழிலான சீனபதிக்கேட்டைதன்னை
பொருந்தவே அரசாட்டசி நடத்தியேதான் பொங்கமுடன் காயாதிகற்பங்கொண்டு
திருந்தவே சமாதிதனில் இறங்கியல்லோ திட்டமுடன் தாமிருந்தார் சித்துதாமும்
வருந்தவே கோட்டையது யேழுசுத்து வாகாகத் தலைவாசல் ஏழுதானே

விளக்கவுரை :


4025. ஏழான தலைவாசல் ஒவ்வோர்சித்து யிறங்கியே சமாதியது பூண்டுகொண்டார்
தாழான திருவாசல் ஒவ்வோர்பக்கம் தன்மையுடன் சமாதியது பெருமைமெத்த
வீழாமல் தேகமது வழியாமற்றான் வீரான கோட்டையது வாசல்முன்னே
சாழான சமாதியது ஏழுங்கண்டேன் சட்டமுடன் சீஷவர்க்கம் நெருங்கினேனே

விளக்கவுரை :


,

3:07:00 PM


போகர் சப்தகாண்டம் 4016 - 4020 of 7000 பாடல்கள்

bogar-saptha-kaandam

4016. பாரேதான் புலகனாரிஷியார்தாமும் பான்மையுடன் மேல்வரையிலிருப்பாரங்கே
நேரேதான் ஆறாங்கால் மேல்வரையிலப்பா நேர்மையுடன் பிறகுமகரிஷிதானுண்டு
சீரேதான் ஏழாங்கால் வரைமேலப்பா சிறப்பான வரிஷ்டருங் கண்டேன்யானும்
தீரேதான் சப்தமகாரிஷிகள்தம்மை தீர்க்கமுடன் மலையதனில் கண்டேன்தாமே

விளக்கவுரை :


4017. தானான சப்தரிஷி யேழுபேர்கள் தாக்கான மலைகளிலே தவசிருக்கும்
கோனான குகைகளிலே கண்டேன்யானும் கொற்றவர்கள் ஆசீர்மங்கள் கண்டேன்யானும்
தேனான ரிஷிகளுள் சேர்வையான தீர்க்கமுடன் ஏழுவகை குளிகைபூண்டு
மானான மனோன்மணியாள் கிருபையாலே மலைமீதில் ஏழிவரை கண்டேன்காணே

விளக்கவுரை :

[ads-post]

4018. காணவே ரிஷிகளிடஞ் சென்றேன்யானும் காலாங்கி நாதருட கிருபையாலே
பூணவே ஞானோபதேசம் பெற்றேன் பொங்கமுடன் கருவிகரணாதியெல்லாம்
தோணவே எந்தனுக்கு உபதேசங்கள் துரைராஜ சுந்தரனார் சொன்னாரங்கே
வேணவே சகலகலை கியானமெல்லாம் விருப்பமுடன் பிழைக்கவென்று கொடுத்திட்டாரே

விளக்கவுரை :


4019. கொடுத்தாரே பூவுலகில் பிழைக்கவென்று குவலயத்தி லென்மீதில் பட்சம்வைத்து
அடுத்ததொரு குளிகைக்கு வுறுதிசொல்லி அப்பனே சாரனைகள் மிகவுங்கூறி
வுடுத்துமே எந்தனையும் மலைவிட்டேகி வேதாந்த சித்துமுனி ரிஷிகளெல்லாம்
ஒடுக்கம்வர புத்தியது மிகவும்கூற ஓகோகோ சப்தரிஷி போவென்றாரே   

விளக்கவுரை :


4020. என்றாரே சப்தரிஷி வுரையும்பெற்று எழிலான காலாங்கி கிருபையாலே 
சென்றேனே குளிகையது மிகவும்பூண்டு சீனபதிக்குள்ளாக வந்தேன் யானும்
நின்றேனே எனதையர் காலாங்கிநாதர் நிலையான சமாதியிடஞ் சேர்வைசெய்தேன்
குன்றான மலைதனிலே ஏறியல்லோ கொப்பெனவே கமலமுனி கண்டேன்தாமே

விளக்கவுரை :


,

3:06:00 PM


போகர் சப்தகாண்டம் 4011 - 4015 of 7000 பாடல்கள்

bogar-saptha-kaandam

4011. காணேணே சீனபதி தேசம்போலே கண்டதில்லை ஒருதேசம் யானுமப்பா
பாலமுடன் சீனபதி கடலோரத்தில் பண்பான மலையொன்று குகைதானுண்டு
வானர்முதல் வந்திறங்கும் பொய்கையுண்டு வளமான மண்டபந்தான் அங்கொன்றுண்டு
தோணவே குளிகையது பூண்டுகொண்டு தொல்லுலகை யான்மறந்து சென்றேன்பாரே

விளக்கவுரை :


4012. சென்றேனே மலையிட்டு மண்டபத்தில் சேனநெடுங்காத வழிபோனேன்யானும் 
நின்றதொரு இடிமலையாம் அங்கொன்றுண்டு நிலையான சப்தரிஷி மலைதானாகும்
குன்றான மலையோரங்குளிகைகொண்டு கொற்றவனார் காலாங்கி தனைநினைத்து
தென்திசையில் பொதிகைமுனி கார்த்தார்ப்போல தேர்வேந்தே யெந்தனையுங் காரென்றாரே

விளக்கவுரை :

[ads-post]

4013. காரென்று சொல்லுகையில் காலாங்கிதம்மை கருத்திலே தான்நினைத்து நமஸ்கரித்து
ஆரென்று நினையாமல் ஐயர்பாதம் வப்பனே வணங்கினேன் கார்க்கவென்று
பாரென்னைக் காத்தருள வேண்டுமென்று பட்சமுடன் ஆதரிக்க மனமுவந்து
சீரென்ற நாமமது பேர்விளங்கி சிறப்புடனே யான்தொழுதேன் போகர்தாமே

விளக்கவுரை :


4014. தாமான அதிசயங்கள் யின்னஞ்சொல்வேன் தாக்கான மலைகளிலே ரிஷிகளப்பா
கோமானகள் தாமறியார் ரிஷியார்தம்மை குவலயத்தில் சத்தரிஷி யானுங்கண்டேன்
நாமான வரீசியென்ற ரிஷியார்தாமும் நலமான முதல்வரையி லிருந்தாரப்பா
வேமானமாகவல்லோ அத்திரியார்தாமும் வேகமுடன் இரண்டாங்கால் வரைமீதுண்டே

விளக்கவுரை :


4015. உண்டான அங்கீசுய ரிஷியார்தாமும் வுத்தமனே மூன்றாங்கால் வரையிலப்பா
திண்டான தவபதியிலிருந்துகொண்டு திறமான யோகநிஷ்டை செய்வாரப்பா
கண்டேனே நாலாங்கால் வரையிலப்பா கனமான புலஸ்தியரைக் கண்டேன்யானும்
சண்டமாருதம்போல ஐந்தாங்காலாம் சங்கநிதி மேல்வரையிலிருப்பார்பாரே

விளக்கவுரை :


Subscribe to: Posts (Atom)
Powered by Blogger.