,

7:21:00 PM


திருமூலர் திருமந்திரம் 16 - 20 of 3047 பாடல்கள்

thirumoolar-thirumanthiram

16. கோது குலாவிய கொன்றைக் குழற்சடை
மாது குலாவிய வாள்நுதல் பாகனை
யாது குலாவி அமரரும் தேவரும்
கோது குலாவிக் குணம்பயில் வாரே.

விளக்கவுரை :

17. காயம் இரண்டுங் கலந்து கொதிக்கினும்
மாயங் கத்தூரி யதுமிகும் அவ்வழி
தேசங் கலந்தொரு தேவனென் றெண்ணினும்
ஈசன் உறவுக் கெதிரில்லை தானே.

விளக்கவுரை :

[ads-post]

18. அதிபதி செய்து அளகை வேந்தனை
நிதிபதி செய்த நிறைதவம் நோக்கி
அதுபதி ஆதரித்து ஆக்கமது ஆக்கின்
இதுபதி கொள்என்ற எம்பெரு மானே.


19. இதுபதி ஏலங் கமழ்பொழில் ஏழும்
முதுபதி செய்தவன் மூதறி வாளன்
விதுபதி செய்தவன் மெய்த்தவம் நோக்கி
அதுபதி யாக அமருகின் றானே.

விளக்கவுரை :

20. முடிவும் பிறப்பையும் முன்னே படைத்த
அடிகள் உறையும் அறனெறி நாடில்
இடியும் முழக்கமும் ஈசர் உருவம்
கடிமலர்க் குன்ற மலையது தானே.

விளக்கவுரை :
,

7:20:00 PM


திருமூலர் திருமந்திரம் 11 - 15 of 3047 பாடல்கள்

thirumoolar-thirumanthiram

11. அயலும் புடையும்எம் ஆதியை நோக்கில்
இயலும் பெருந்தெய்வம் யாதுமொன் றில்லை
முயலும் முயலில் முடிவும் மற் றாங்கே
பெயலும் மழைமுகிற் பேர்நந்தி தானே.

விளக்கவுரை :

12. கண்ணுத லான்ஒரு காதலின் நிற்கவும்
எண்ணிலி தேவர் இறந்தார் எனப்பலர்
மண்ணுறு வார்களும் வானுறு வார்களும்
அண்ணல் இவன் என்றுஅறியகி லார்களே.

விளக்கவுரை :

[ads-post]

13. மண்ணளந் தான்மல ரோன்முதல் தேவர்கள்
எண்ணளந் தின்னும் நினைக்கிலார் ஈசனை
விண்ணளந் தாந்தன்னை மேலளந் தாரில்லை
கண்ணளந் தெங்குங் கடந்துநின் றானே.

விளக்கவுரை :

14. கடந்துநினின் றான்கம லம்மல ராதி
கடந்துநின் றான்கடல் வண்ணம்எம் மாயன்
கடந்துநின் றான்அவர்க்கு அப்புறம் ஈசன்
கடந்துநின் றான்எங்கும் கண்டுநின் றானே.

விளக்கவுரை :

15. ஆதியு மாய்அர னாய்உட லுள்நின்ற
வேதியு மாய்விரிந்துஆர்ந்துஇருந் தான்அருள்
சோதியு மாய்ச்சுருங் காததோர் தன்மையுள்
நீதியு மாய்நித்த மாகிநின் றானே.

விளக்கவுரை :
,

7:18:00 PM


திருமூலர் திருமந்திரம் 6 - 10 of 3047 பாடல்கள்

thirumoolar-thirumanthiram

6. அவனை ஒழிய அமரரும் இல்லை
அவனன்றிச் செய்யும் அருந்தவம் இல்லை
அவனன்றி மூவரால் ஆவதொன் றில்லை
அவனன்றி ஊர்புகு மாறு அறியேனே.

விளக்கவுரை :

7. முன்னைஒப் பாயுள்ள மூவர்க்கும் மூத்தவன்
தன்னைஒப் பாய்ஒன்றும் இல்லாத் தலைமகன்
தன்னைஅப் பாயெனில் அப்பனு மாயுளன்
பொன்னைஒப் பாகின்ற போதகத் தானே.

விளக்கவுரை :

[ads-post]

8. தீயினும் வெய்யன் புனலினும் தண்ணியன்
ஆயினும் ஈசன் அருளறி வாரில்லை
சேயினும் நல்லன் அணியன்நல் அன்பர்க்குத்
தாயினும் நல்லன் தாழ்சடை யோனே.

விளக்கவுரை :

9. பொன்னால் புரிந்திட்ட பொற்சடை யென்னப்
பின்னாற் பிறங்க இருந்தவன் பேர்நந்தி
என்னால் தொழப்படும் எம்இறை மற்றவன்
தன்னால் தொழப்படு வாரில்லை தானே.

விளக்கவுரை :

10. தானே இருநிலம் தாங்கிவிண் ணாய்நிற்கும்
தானே சுடும்அங்கி ஞாயிறும் திங்களும்
தானே மழைபொழி தையலு மாய்நிற்கும்
தானே தடவரை தண்கட லாமே.

விளக்கவுரை :
,

7:17:00 PM


திருமூலர் திருமந்திரம் 1 - 5 of 3047 பாடல்கள்

thirumoolar-thirumanthiram

பாயிரம்

விநாயகர் காப்பு

ஐந்து கரத்தனை யானை முகத்தனை
இந்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினைப்
புந்தியில் வைத்தடி போற்றுகின் றேனே.

விளக்கவுரை :

1. கடவுள் வாழ்த்து

1. ஒன்றவன் தானே இரண்டவன் இன்னருள்
நின்றனன் மூன்றினுள் நான்குணர்ந் தான்ஐந்து
வென்றனன் ஆறு விரிந்தனன் ஏழும்பர்ச்
சென்றனன் தானிருந் தான்உணர்ந் தெட்டே.

விளக்கவுரை :

2. போற்றிசைத்து இன்னுயிர் மன்னும் புனிதனை
நாற்றிசைக் கும்நல்ல மாதுக்கும் நாதனை
மேற்றிசைக் குள்தென் திசைக்கொரு வேந்தனாம்
கூற்றுதைத் தானையான் கூறுகின் றேனே.

விளக்கவுரை :

[ads-post]

3. ஒக்கநின் றானை உலப்பிலி தேவர்கள்
நக்கனென்று ஏத்திடும் நாதனை நாள்தொறும்
பக்கநின் றார்அறி யாத பரமனைப்
புக்குநின்று உன்னியான் போற்றிசெய் வேனே.

விளக்கவுரை :

4. அகலிடத் தார்மெய்யை அண்டத்து வித்தைப்
புகலிடத்து என்றனைப் போதவிட் டானைப்
பகலிடத் தும்இர வும்பணிந் தேத்தி
இகலிடத் தேஇருள் நீங்கிநின் றேனே.

விளக்கவுரை :

5. சிவனொடுஒக் கும்தெய்வம் தேடினும் இல்லை
அவனொடுஒப் பார் இங்கு யாவரும் இல்லை
புவனம் கடந்தன்று பொன்னொளி மின்னும்
தவனச் சடைமுடித் தாமரை யானே.

விளக்கவுரை :
,

4:39:00 PM
அகத்தியர் பன்னிருகாண்டம் 436 - 440 of 12000 பாடல்கள்


436. வருந்திடவே தென்பொதிகை சித்துதாமும்
    வண்மையுடன் வேதமுனி தன்னைப்பார்த்து
அருந்ததிக்கு வொப்பான ரிடியார்தாமும்
    அன்புடனே தாமுறைத்த காவியத்தை
பொருந்தவே எங்களுக்கு வுபதேசித்துப்
    பொங்கமுடன் நூலதனைக் கொடுத்தீரானால்
இருந்திடத்தில் நாமிருந்து தவசிமார்கள்
    எழிலாகக் காவியத்தைப் பார்ப்போம்தாமே.

விளக்கவுரை :


437. பார்ப்போமே யென்றுசொல்ல முனிவர்தாமும்
    பாங்குடனே நூல்கொடுத்தால் லோகமெல்லாம்
தீர்க்கமுடன் சித்துமய மாகிப்போகும்
    திறளான கருவிகர ணாதியெல்லாம்
ஏர்க்கவே யிதிலடக்க மனந்தங்கோடி
    எழிலாகக் வேதமுனி சொன்னவர்க்கு
ஆர்க்கவே யிதிலடக்க மனந்தங்கோடி
    அப்பனே பொய்யொன்று மில்லைதானே.

விளக்கவுரை :


438. தானான நூலதனைப் பாடியல்லோ
    சத்தியங்கள் மிகவாகச் செய்துமேதான்
கோனான வேதமுனி சொன்னவாக்கு
    குகைதனிலே வொளித்துவைத்தார் காவியத்தை
பானான சித்துமுனி வனேகம்பேர்கள்
    பாடுபட்டு வெகுவாக நூல்கேட்டார்கள்
மானான வேதமுனி வியாசர்தாமும்
    மார்க்கமுடன் நூல்கொடே னென்றிட்டாரே.

விளக்கவுரை :


439. என்றுமே தடுத்துமிகச் சொல்லும்போது
    எழிலான முனியாரும் மனதிரங்கி
வென்றிடவே நூலதனைக் கொடுத்துத்தானும்
    விருப்பமுடன் சாபமதை நிவர்த்திசெய்து
சென்றிடவே லோகத்தில் கர்மிகட்கும்
    சிறுவர்கட்கும் கபடுள்ள நெஞ்சுளோர்க்கும்
ஒன்றுமே காட்டாமல் புத்திகூறி
    உத்தமர்க்கு நூல்கொடுத்தார் முனிவர்தாமே.

விளக்கவுரை :


440. முனியான வியாசர்முனி மனமகிழ்ந்து
    உத்தமராஞ் சித்தர்கட்கு கிருபைகூர்ந்து
கனிவுடனே நூலதனைக் கையிலேந்தி
    கருணையுடன் மனதுவந்து பரிவுசொல்லி
தனியான காவியத்தை வெளிகாட்டாமல்
    தாரணியில் மர்மமா யிருந்துகொண்டு
புனிதனா யிருக்கவென்று வரமுந்தந்து
    புகழாக வாசீர்மஞ் செய்திட்டாரே.

விளக்கவுரை :

Subscribe to: Posts (Atom)
Powered by Blogger.