131. இருக்கலாம் புலஸ்தியா யின்னங்கேளு
யெழிலான மார்க்கமொன்று சொல்வேன்யானும்
வருக்கமுடன் மானிலத்தில் ஞானிபோல
வாறுடனே சகலநூல் கற்றோன்போலும்
திருத்தமுடன் தத்துவத்தில் கடந்தோனென்றும்
தெளிவான பிரமலபி யறிந்தோன்போலும்
பொருத்தமுடன் பூமிதனி லாசைவிட்டுப்
பூதலத்தில் முன்றாசை வெறுந்தோனாமே.
விளக்கவுரை :
132. ஆமேதான் பொய்வேட மிகவுமுண்டு
அப்பனே சர்வக்கியானி போலேதானும்
தாமேதான் சர்வநூல் கற்றோன்போலும்
சட்டமுடன் வாய்பினத்த லதிகம்பேசி
நாமேதா னுலகத்தில் கடந்தஞானி
நாட்டிலே யாரேனு மொருவருண்டோ
போமேதான் மெய்ஞானி போலேயப்பா
பொங்கமுடன் வெகுபேச்சு பேசுவானே.
விளக்கவுரை :
133. பேசுவான் ஞானவழி காட்டுவான்போல
பேரான மாய்கைதனை யவித்தோன்போலும்
கூசுதலு மிகப்படைத்த புத்திவான்போல்
குவலத்தில் கீர்த்திபெற்ற பூபாலன்போல்
காசுபண மாசையது மற்றோன்போலும்
காசினியில் பற்றாசை யில்லான்போலும்
மாசுமறு வில்லாத புண்ணியன்போல்
மகத்தான ஞானிபோல் பினத்துவானே.
விளக்கவுரை :
134. பினத்தியே வாயாட்ட மிகவுங்கொண்டு
பிரியமுடன் சீஷர்க ளனேகமுண்டு
கனத்துடனே கதைமிகவும் பேசியல்லோ
கைலாச கிரிதனையே கண்டோன்போலும்
மனத்துயர மற்றவன்போ லுறுதிபேசி
மகத்தான சின்மயத்தின் வெளிகண்டோன்போல்
சினத்துமே சீஷவர்க்கந் தர்க்கம்பேசி
தினகாலம் வாசியைத்தான் மீட்டுவானே.
விளக்கவுரை :
135. மீட்டுயே தத்துவத்தை மிகவும்பேசி
மேன்மையுடன் ஞானிபோல் வாதுகூறி
தாட்டிகமாய்ப் பூரணத்தின் பெருமைபேசி
தகைமையுள்ள வாசியை மாசறச்சொல்லி
பூட்டகங்கள் காட்டுகின்ற சித்தன்போலும்
பொலிவான ரேசக பூரகத்தைநாட்டி
நீட்டமுடன் பரிபோகஞ் செய்துமேதான்
...... ...... ...... ....வழி கூறுவானே.
விளக்கவுரை :