11. காண்டமாம் பன்னீராயிந் தானிந்நூல்
காணாத காட்சியெல்லா மிதற்குள்ளாகும்
வேண்டியதோர் கருமான மிதற்குள்ளுண்டு
விருப்பமுடன் சூட்சாதி மிதற்குள்ளுண்டு
தாண்டவம்போல் லட்சுமியாள் மனோன்மணித்தாய்
சதாகாலம் வீற்றிருப்பார் பெருநூல்தன்னில்
நீண்டதொரு சாகரமும் இதுவேயாகும்
நிலையான காவியம் பன்னிரண்டுமாமே.
விளக்கவுரை :
12. ஆமேதான் காவியத்துக் கோயிரந்தான்
அப்பனே பாடிவைத்தேன் பெருநூலப்பா
தாமேதான் காண்டத்துக் காயிரந்தான்
சாற்றினேன் காவிய மாயிரந்தானாகும்
நாமேதான் சொன்னபடி பன்னிரெண்டுகாண்டம்
நலமுடனே பன்னிராயிரக் காவியந்தான்
போமேதான் பெருநூலைப் பார்த்தபேர்க்குப்
பொங்கமுடன் பதவிகளுங் கிட்டுந்தானே.
விளக்கவுரை :
13. தானான சாலோக சாயுச்சியந்தானும்
தகைமையுடன் பதவிகளுக் கிடமுண்டாகும்
வேனான பதவியதுக் கிட்டும்போது
வேகமுடன் மோட்சமென்ற வீடுதானும்
பானான சொர்க்கபதிக் காணியாகும்
பரலோக மென்னாளும் பலிக்கும்பாரு
மானான சாத்திரத்தை மதிப்பிட்டேதான்
மானிலத்தில் பார்த்தவா்க்கு மகிமைகேளே.
விளக்கவுரை :
14. கேளேதான் மடலவிழும் தாமரையாள்தானும்
கிருபையுடன் என்னாளும் வாசமுண்டாம்
நாளேதான் மகிமையுண்டாங் கீர்த்தியுண்டாம்
நலமான வாழ்நாளும் மிகவுண்டாகும்
பாளேதான் போகாமல் இடமுண்டாகும்
பாரினிலே யெந்நாளும் வெற்றியுண்டாகும்
வீளேதான் சின்மயத்தின் வெண்ணீருண்டாம்
வீரமுட னென்போக மிகவுண்டாமே.
விளக்கவுரை :
15. உண்டான சாத்திரத்தை மிகவும்பார்த்து
உத்தமனே புலஸ்தியனே செப்பக்கேளும்
கண்டுமே யாராய்ந்து பலனூல்பார்த்து
கவனமுடன் பாடிவைத்த பெருனூலப்பா
விண்டதிலை கண்டவா்கள் மகிமையப்பா
விருப்பமுடன் தனையறிந்த பெருநூலப்பா
தெண்டனிட்டுப் பணிவுடனே காத்திருந்து
தொந்தமுட னின்னூலை வாங்கநன்றே.
விளக்கவுரை :