391. பார்க்கலாங் கன்னிடைய சித்தரப்பா
பாருள்ள நிதிகளுக்குக் காவலுண்டு
தீர்க்கமுடன் கிங்கிலிய ராயிரம்பேர்
தீரமுட னணியணியாய்க் காலலுண்டு
ஏர்க்கவே சித்தர்முனி ரிடிகள்தாமும்
எழிலுடனே போவதும் வருவதுண்டு
மார்க்கமுடன் தலைவாசல் காளிகாவல்
மகத்தான யிடமெல்லாம் வயிரவனாமே.
விளக்கவுரை :
392. ஆமேதான் அரண்வாசல் கோட்டைதன்னில்
ஆயிரம் பெருங்காதம் வழிகள்தோறும்
நாமேதான் சொன்னபடி சித்தர்கூட்டம்
நாதாந்த சீடவர்க்கங் கூறப்போமோ
போமேதான் செனகமுனி கோட்டையப்பா
பொங்கமுடன் சொல்வதற்கு நாவுண்டோசொல்
தாமேதான் பொன்னகர மிதற்கீடுண்டோ
தாரணியில் சேடனவன் சொல்லொண்ணாதே.
விளக்கவுரை :
393. சொல்லவென்றா லின்னமொரு மார்க்கம்பாரு
துரைராச சுந்தரனே சொல்லக்கேளும்
நல்லதொரு அயோத்திக்கு மேற்கேயப்பா
நலமான புல்லாணி தீர்த்தமுண்டு
வெல்லவே தீர்த்தமது நடுமையத்தில்
வேதாந்தக் கூடமென்னும் மாளியுண்டு
புல்லவே திருமூலக் கூட்டத்தார்கள்
புகழான கோட்டைக்குள் ளிருப்பார்தாமே.
விளக்கவுரை :
394. இருப்பாரே திருமூல வர்க்கத்தார்கள்
எழிலாக யெண்ணாயிரம் மாந்தரப்பா
பொறுப்பான யவர்மரபு மெத்தவுண்டு
புகழான திருமாலிக் கோட்டைக்குள்ளே
குருக்கள்மார் சிலதுபேர் முன்னேநிற்பார்
குருவானத் திருமூலத் தீசர்முன்னே
திருப்புலவும் பொங்கனயி னார்களப்பா
திருவாசல் கோட்டைக்குக் காவலுண்டே.
விளக்கவுரை :
395. காவலுடன் சீடவர்க்க மாயிரம்பேர்
கனமான திருமூலத் தீசர்முன்னே
ஆவலுடன் ஞானோப தேயம்பெற்று
அன்புடனே யவர்பாதந் தொழுதுபோற்றி
பாவமது தனையகற்றித் தவசியோர்கள்
பான்மையுட னணியணியாய்த் தவமிருப்பார்
சாவதுவு மெப்போது மில்லையப்பா
சட்டமுடன் கற்பங்கொண்டிருப்பார்தாமே.
விளக்கவுரை :