126. வேண்டுமே குருவணக்கம் மிகவும்வேண்டும்
விருப்பமுடன் மனதுவர நடக்க வேண்டும்
ஆண்டகைபோல் குருபாதந் தானினைத்து
அப்பனே சிரங்குவித்து நமஸ்கரித்து
தூண்டியதோர் கருமான மறிவதற்கு
துறையுடனே முறைபோல நூல்கள்கேட்டு
தாண்டமுடன் நூறாண்டு தானானாலும்
தன்மையுடன் காத்திருந்து நூலைவாங்கே.
விளக்கவுரை :
127. வாங்கியே யவருக்கு முன்னேனில்லு
வகையுடனே தொண்டுக்கு முதல்வனாக
தூங்கியே திரியாமல் முதலாய்நின்று
துரைமுகத்தில் வூழியனாய்த் தானிருந்து
பாங்கியெனும் பெண்ணாசை விட்டொழித்துப்
பாருலகி லிருப்பவனும் சித்தனாகும்
ஏங்கியே போகாமல் தீரவானாய்
யெழிலுடனே யிருப்பவனே சீஷனாமே.
விளக்கவுரை :
128. சீஷனா யிருந்தாலு மவர்தமக்கு
சீரலுடன் கேள்விகளுங் கேட்கும்போது
பாசமுடன் மனதுவந்து பட்சம்வைத்து
பார்வைக்கு யெதிர்வார்த்தை மிகச்சொல்லாமல்
காஷாயமாம் வேடமதைத் தரித்துக்கொண்டு
கவனசுத்தி கொண்டுதொரு ரிடிதமக்கு
தூஷணைக ளில்லாமல் சுகிர்தவானாய்
துரைராஜ சுந்தரர்க்கு முன்னேநில்லே.
விளக்கவுரை :
129. நிற்கையிலே யெதிர்நின்று வாயாடாதே
யென்மகனே புலஸ்தியனே செப்பக்கேளும்
அற்பமுடன் யென்மனதி லவரையெண்ணி
அலட்சியமா யிருக்காதே மன்னாகேளு
சொற்பமென்று விடுகாதே தானாய்நின்று
சுந்தரனே யவர்மனம்போல் நடந்துகொள்ளு
துற்பரவா வுன்மீதில் மனதுவைத்து
துன்ப சாகரத்தைவிட்டு வாவென்பாரே.
விளக்கவுரை :
130. வாகவென்ற போதினிலே யுந்தனக்கு
வாகான வரமுனக்கு வகுக்கலாச்சு
கோவென்ற ராஜனுந்தா னுனக்கீடுண்டோ
கொப்பெனவே லோகமது வற்பவாழ்வில்
மாவெனவே அஷ்டாங்கம் யோகம்பெற்று
மகத்தான பதவிகளும் உனக்குண்டாகும்
சாவென்ற நமனுமுன் கிட்டேவாரான்
சதாகாலம் சமாதிதனி லிருக்கலாமே.
விளக்கவுரை :