போகர் சப்தகாண்டம் 6746 - 6750 of 7000 பாடல்கள்
6746. சாதிக்க வடபாகந்தனிலிருந்து
சட்டமுடன் புலிப்பாணிக்கு உபதேசிக்க
மேதினியில் தேவாதி
தேவரெல்லாம் மேன்மையுடன் கண்டல்லோ பிரமித்தேங்க
ஆதியென்ற பராபரியாள்
முன்னேநிற்க அங்ஙனவே யுபதேசமனதுவந்து
ஜோதிமணி மந்திரத்தை
உச்சாடித்து சுந்தரர்க்கு உபதேசங்கூறுவாரே
விளக்கவுரை :
6747. கூறுவார் உபதேசமென்ன
வென்றால் குணமான திருப்பாலின் கடலின்மேலே
மாறுபாடானதொரு மயத்தைநீக்கி
மகத்தான சிதபசாநிலையில்நின்று
தேறுதலாய் சமாதிமுகம்
நிற்கவேண்டும் தேஜொளிவின் சின்மயத்தை யறியவேண்டும்
ஆறுதலமென்ற தொருபிரளயத்தை
யப்பனே உச்சரித்து நிலையில்நில்லே
விளக்கவுரை :
[ads-post]
6748. நிலையான நிலையதுவும்
என்னசொல்வேன் நிஷ்களங்கமானதொரு கபாலபீடம்
கலையான கலையதுவும்
யிடகலைபிங்கலையில் கருவான கருவான நாசியது மையம்பற்றி
மலையான கபாலமென்ற பீடம்பற்றி
மகத்தான மூலவரைமேலேசென்று
தலையான பஞ்சேந்திரம்
உள்ளடக்கம் சாற்றுகிறேன் சிவயோகம் சாற்றுவேனே
விளக்கவுரை :
6749. சாற்றுகிறேன் வாரமது
ஒன்பதுந்தான் சட்டமுடன் தானடைத்து மேலேபூட்டி
போற்றியதோர் கும்பகத்தில்
நின்றுகொண்டு போதனா சத்தியெல்லாம் மனதிலுன்னி
தூற்றியே தான்புடைத்து
பொருளாராய்ந்து துப்புரவாய் சிதாபாசக்களையறுத்து
மாற்றியே வட்சரத்தை
வுள்ளாராய்ந்து மகத்தான வுளவுதனை யறிந்துகொள்ளே
விளக்கவுரை :
6750. கொள்ளவே யறுபத்துக் கலைநான்காக கோடான கலைவகுத்து கயிர்கள்மாட்டி
விள்ளவே சச்சிதா நிலையில்நின்று
விட்டகுறை வருமளவும் மேலேநோக்கி
உள்ளதொரு பூரணத்தை
வெளிகாட்டாமல் வுத்தமனே விசுத்தியிலே நின்றுகொண்டு
தெள்ளமுர்தமான தொரு
ஞானப்பாலை தேற்றமுடன் ஊசரத்திலிருந்து தாக்கே
விளக்கவுரை :