போகர் சப்தகாண்டம் 5866 - 5870 of 7000 பாடல்கள்
5866. பேரான யிவர்களது
பிறப்புதானும் பேரின்ப நட்சத்திர கால்தான்கூட்டி
சீரான சீனபதிமாண்பருக்கு
தீர்க்கமுடன் உபதேசஞ் செய்தநூலாம்
கூரான வையகத்து
மாண்பரெல்லாம் குறிப்புடனே தானறியமனதுவந்து
வீரான போகரேழாயிரத்தை
விருப்பமுடன் உபதேசஞ் செய்திட்டேனே
விளக்கவுரை :
5867. செய்தேனே புலிப்பாணி
மைந்தாகேளு செங்கமல கரத்தானே யின்னஞ்சொல்வேன்
மெய்யான வேதமிது சத்தகாண்டம்
மேதினியில் சகலகலைக் கியானமெல்லாம்
பையவே வடநூலைத் தானாராய்ந்து
பாடினேன் காண்டமது ஏழாயிரந்தான்
துய்யதமிழ் பரிபாஷைத்
தன்னைநீக்கி துப்புறவாய் ஓதிவைத்தேன் காண்டந்தானே
விளக்கவுரை :
[ads-post]
5868. காண்டமேழாயிரம் பெருநூலப்பா
கருவிகரணாதிமுதல் இதிலடக்கம்
பூண்டமன துறுதியினால்
இந்தநூலைப் புகட்டினேன் காலாங்கி கடாட்சத்தாலே
வேண்டியதோர் சீனபதி
கருமானங்கள் வேற்றுருவ மில்லாமல் கூறினேன்யான்
ஆண்டகையாம் எந்தன்குரு
நாதன்தன்னால் அப்பனே பாடிவைத்த நூலிதாமே
விளக்கவுரை :
5869. நூலான நூலிதுதான்
நுணுக்கமெத்த நுட்பமுடன் காலாங்கி பிறந்தவண்ணம்
பாலான சித்திரையாம் மாதமப்பா
பாங்கான வசுவினியாம் நாலாங்காலாம்
சேலான ஜெகத்குரு மைந்தனப்பா
செயலான பாக்கியமும் பெற்றமைந்தன்
காலான காலாங்கி நாதரப்பா
காசினியில் வந்துதித்த வுருவுமாச்சே
விளக்கவுரை :
5870. உருவான மார்க்கமது
இன்னஞ்சொல்வேன் உத்தமனே போகாது பிறப்புநேர்மை
உருவான மாதமது வைகாசியப்பா
கருத்தான பரணியது ரெண்டாங்காலாம்
குருவான பஞ்சணத்தில்
ஒருவனப்பா கொற்றவனே விசுவகர்மன் மைந்தனாகும்
திருவான போகரிஷி என்றுமல்லோ
செப்பினார் பலநூல்கள் வேதமாமே
விளக்கவுரை :