போகர் சப்தகாண்டம் 2716 - 2720 of 7000 பாடல்கள்
2716. கினாரென்லுமே யாமறிந்து எழிலுடனே காலாங்கிநாதர்தம்மை
பாகமுடன் தான்வணங்கி
பணிந்துபோற்றி பதாம்புயத்தை என்னாளும் மனதிலுண்ணி
வேகமுன் அடியேனும்
பலநூல்பார்த்து வெளியான கருக்குருவும் வுரைக்கயெண்ணி
போதமென்னும்
பெருநூலேழாயிரத்தில் பொங்கமுடன் பாடிவைத்தேன் கருக்கள்தானே
விளக்கவுரை :
2717. தானான பெருநூலேழாயிரத்தில்
தாக்கான காண்டமிது மூன்றாங்காண்டம்
தேனான குருமொழிகள்
அனேகமுண்டு தேசத்தில் பரிபாஷை யனேகமுண்டு
மானான மறைப்புமுதல்
உளவுமெத்த மண்டலத்தில் கண்டவரும் விண்டோரில்லை
கோனான காலாங்கி நாதர்தாமும்
கனகமெனும் நவமணிபோல் கருதினாரே
விளக்கவுரை :
[ads-post]
2718. கருதினார் அடியேனுங்
கண்டாராய்ந்து காசினியில் மானிடர்கள் அறியவேண்டி
சுருதியென்னும் பிரணவத்தைச்
சீனத்தார்க்கு சூட்சமுடன் காட்டவென்று அடியேன்தானும்
பருதியெனும் குளிகைதனைப்
பூண்டுகொண்டு பறந்தேனே சீனபதிக்கடலோரந்தான்
உருதியுடன் அப்பதியில்
இறங்கியானும் ஓகோகோ வெகுகாலம் இருந்திட்டேனே
விளக்கவுரை :
2719. இருந்திட்டேன்
கோடிவரையுகாந்தகாலம் எழிலான சூட்சாதி வித்தையாவும்
திருந்திடவே சீனபதி
வுலகுள்ளோர்க்கு திட்டமுடன் கைமறைப்பு யாவுஞ்சொன்னேன்
பொருந்திடவே யவர்களுடன்
சேர்ந்துயானும் போகித்தேன் வெகுகோடி காலமப்பா
செருந்திடவே போகமது
செய்ததாலே சிறப்பான போகனென்று பேருண்டாச்சே
விளக்கவுரை :
2720. ஆச்சப்பா என்னைப்போல்
பெயருள்ளார் அப்பனே வையகத்திலாருமில்லை
மாச்சலென்னும் நவகோடி
ரிஷிகளுண்டு மாநிலத்தில் பதினெண்பேர் சித்தருண்டு
கூச்சலெனும்
திருமூலவர்க்கத்தார்கள் கோடானகோடிபே ரனந்தமுண்டு
மூச்சடங்கி மாண்டசித்தர்
கோடாகோடி முறைமையுடன் சமாதிகளில் கோடியாமே
விளக்கவுரை :