போகர் சப்தகாண்டம் 6411 - 6415 of 7000 பாடல்கள்
6411. ஆச்சப்பா காலாங்கி
கிருபையாலும் வப்பனே மனோன்மணியாள் ஆசீர்மத்தால்
மூச்சடங்கி வாசியோகஞ்
செய்வதற்கு முனையான காயாதி கற்பமெல்லாம்
வாச்சுதே புலிப்பாணி
மன்னாகேளு வளம்பெறவே யுந்தனுக்கு யோகங்காண
மாச்சலென்ற யோகநிலை
யுந்தமக்கு மகத்தான மகிமைகளும் போதித்தேனே
விளக்கவுரை :
6412. போதித்த யின்னமொரு
மார்க்கம்பாரு புகழான புலிப்பாணி மகனேயப்பா
ஆதித்தன் சந்திரன்போல்
யுந்தமக்கு வப்பனே யானுரைப்பேன் மகிமைபாரு
ஜொதிமய மானதொரு
மயிலின்முட்டை சுந்தரனே மனதுவந்து முட்டைதன்னில்
பாதிமதி விந்துடனே யாயிநாதம்
பாங்குபெற தானெடுப்பாய் களஞ்சியொன்றே
விளக்கவுரை :
[ads-post]
6413. ஒன்றான களஞ்சியது வகைவகைக்கு
வுத்தமனே தானெடுத்து செப்பக்கேளிர்
குன்றாமல் முட்டைதனில்
துவாரமிட்டு குறையாமல் சரக்கெல்லாம் அடைத்துமைந்தா
வென்றிடவே சீலையது வலுவாய்ச்
செய்து விவரமுடன் துவாரமதை மறைத்து மைந்தா
சென்றிடவே பாண்டமதில்
மணல்தான்கொட்டி செழித்துமே மேலுமந்த மணலைக்கொட்டே
விளக்கவுரை :
6414. கொட்டியே மேற்பாண்டந்
தன்னைமூடி குமுறவே சீலையது வலுவாய்ச் செய்து
சட்டமுடன் வாலுகையாம்
ஏந்திரத்தில் சாங்கமுடன் தானெரிப்பாய் நாலுசாமம்
பட்டயம் போல் மணலதுவஞ்
சிவந்தபிண்பு பாலகனே எடுத்துப்பார் அண்டந்தன்னை
நட்டமென்ன காயாதிக்
குறுதியாச்சு நலம்பெறவே கவசமதைப் பிரித்துவாங்கே
விளக்கவுரை :
6415. வாங்கியே கவசமதை
யெறிந்துபோடு வளம்பெறவே யண்டமதை யுரலிலிட்டு
தூங்கியே திரியாதே
இரும்புலக்கை துப்புரவாய்த் தான்கொண்டு ஜாடும்போது
பாங்குபெற மெழுகதுவும்
என்னசொல்வேன் பாரினிலே நாதாக்கள் மறைத்துவைத்தார்
ஏங்கியே இருந்தாக்கால்
என்னசித்தி எழிலான கற்பமதைத் தேடிக்கொள்ளே
விளக்கவுரை :