போகர் சப்தகாண்டம் 2391 - 2395 of 7000 பாடல்கள்
2391. தானான வித்தையிது
சொல்வேன்கேளும் தகைமையுள்ள இரும்பினிலே காந்தஞ்சேர்த்து
பானாகத் தானுருக்கிக்
கம்பியாக்கி பாலகனே சிறுகம்பி நூல்போலாக்கி
வேனாக கூண்டுதான் வடிதான்
பத்து விருப்பமுடன் நீளமது வடிதான்பத்து
மானாக நாற்சதுரமாக்கியல்லோ
மார்க்கமுடன் கம்பியால் கூண்டுகட்டே
விளக்கவுரை :
2392. கட்டயிலே சுற்றிலும்
தூணிருத்திக் கருத்துடனே நடுக்கம்பி சதுரமிட்டு
தோட்டில் போல்தான்சமைத்து
சுடர்கள் வைக்கசூட்சமுடன் கம்பிக்குள்ளேமாட்டி
சட்டமுடன் சுற்றிலும்
நாற்பட்டாலே சாங்கமுடன் தானமைத்து கிளிபோல்கட்டி
திட்டமுடன் அடிவாசல்
தாள்திறந்து தீர்க்கமுடன் மேல்வாசல் மூடிப்போடே
விளக்கவுரை :
[ads-post]
2393. போட்டவுடன் கற்பூரத் தயிலத்தூட்டி
பொங்கமுடன் விளக்கொளிதான் வைத்துபாலா
நாட்டமுடன் கும்மட்டம்போல்
சோடித்து நயமுடனே காற்றடங்கச் செய்துபின்னும்
மூட்டமுடன் வாயுவது
உள்ளேதங்கி முயற்சியுடன் மேலெழும்பிப் போகும்பாரு
வாட்டமுடன் கூட்டமதுதான்
ஆகாஷத்தில் வளமையுடன் போவதற்குத் திறமுண்டாச்சே
விளக்கவுரை :
2394. உண்டான போகையிலே காற்றினாலே
ஓகோகோ செல்லுமது வாகாயத்தில்
கண்டாலே மானிடர்கள்
காணும்போது கைலாசம் மேருவரை செல்லும்பாரு
அண்டமுடன் ஆகாசமேலேநோக்கி
அதற்கப்பால் போகும்வழி காணார்பாரு
விண்டலத்தின் விந்தையிது
மாச்சரியமாகும் வெட்டவெளி வித்தையிது சூட்சம்பாரே
விளக்கவுரை :
2395. சூட்சமாம் கூண்டுவித்தை
துலைதூரமோடும் தொல்லுலகில் கருவாளிகாண்பான்பாரு
மாட்சியுடன் வாயுவினால்
பிறந்தவித்தை மானிலத்தில் மன்னவர்கள் மயங்கும்வித்தை
தாட்சியுடன் பாலரெல்லா
மாடுவித்தை சதாகால மாடுதற்கு வினோதவித்தை
சூட்சியுட னிரக்காலமாடும்வித்தை
மேன்மையுடன் போகரிஷி புகன்றிட்டேனே
விளக்கவுரை :